ओळख कुंडलीची

  जुळ्या संततीचे योग भाग -2  या अगोदरच्या भागात, ज्या पालकांच्या जन्म कुंडलीत पंचमस्थान, पंचमेश कारक ग्रह गुरू, यांचा जुळ्या राशीशी संबंध येतो, तसेच, चंद्रकुंडलीतहि यास दुजोरा देणारे ग्रह असतात. याच्या जोडीला,  नवांश कुंडलीत सुद्धा मूळ पंचमेश वा गुरु, यांचा जर जुळ्या राशीशी संबंध असेल, व अशा प्रकारचे योग, पती व पत्नी दोघांच्या पण कुंडलीत असतील तर, जुळी संतती होण्याची शक्यता असते.        याबद्दलची विस्तृत माहिती आपण या अगोदरच्या भागात पाहिलेली आहे. 💢 आता या भागात,चार दांपत्य म्हणजे पती-पत्नीच्या एकूण आठ कुंडल्या व एक पुरुषाची व एक स्त्रीची, अशा एकूण दहा कुंडल्यांचा मागोवा, आपण या व्हिडिओद्वारे घेणार आहोत. या सर्वांना जुळी संतती राहिलेली आहे. 💢 सगळ्या जुळ्याराशी ह्या द्विस्वभावराशी आहेतच त्यामुळे व्हिडिओच्या काही भागात, त्यांचा अनावधानाने, जुळ्याराशी ऐवजी, द्विस्वभावराशी  असा  उल्लेख केला गेला आहे. त्यावेळी, तो, जुळ्या राशीचा उल्लेख केलेला आहे असे समजावे. 🙏🏽

                   💢 जुळी संतती योग- प्रस्तावना 💢     विवाहनंतर एक-दोन वर्षाच्या काळातच संततीचा विचार केला जातो. काही जोडप्यांच्या बाबतीत ती इच्छा लवकर पूर्ण होते तर काहींना उशीर लागतो. काहींना तर संतती होतच नाही. तर काहींना एकाच वेळी दोन अपत्य प्राप्त होतात. हा प्रत्येक सदस्याच्या दैवाचा भाग आहे. कोणतीही बाब ही भाग्यात असल्याशिवाय प्राप्त होत नाही हे सूर्यप्रकाशाइतके सत्य आहे. जर पालकांच्या पत्रिकेत जुळी संततीचे योग असले, तर त्यांना जुळी संतती होते एवढे निश्चित. कारण ज्योतिष शास्त्राने जुळी संततीची प्राप्ती कशी होते याबद्दल, कुंडलीत काही विशिष्ट योगांचे परीक्षण केले आहे. जुळी संततीच्या योगाचा  विचार करण्यासाठी या चित्रफितीचे आयोजन केले आहे. 💢 या पुढील व्हिडिओत, जुळ्या संतती योगाच्या 10 कुंडल्यांचा मागोवा घेणार आहोत.