पराधीन आहे जगती
💢 पराधीन आहे जगती…. 💢
मनुष्याचा जन्म होऊन जेव्हा तो पृथ्वीतलावर उत्तीर्ण होतो, त्याच वेळेस त्याच्या जीवनाचे संपूर्ण पटकथा राशी, ग्रह, नक्षत्रांच्या भाषेच्या माध्यमातून, ईश्वराने लिहून ठेवलेली असते. मनुष्य जीवनाच्या रंगमंचावर, ग्रहताऱ्यांच्या संकेतानुसार, आपल्या जीवनात सुखद वा दुखद घटना घडत असतात. त्या घटना आपल्या आयुष्यात घडाव्यात याकरिता, तशी पोषक परिस्थितीच निर्माण होते. व कळसूत्री बाहुली प्रमाणे मनुष्य त्या घटनांच्या अधीन होतो. "पराधीन आहे जगती पुत्र मानवाचा, दोष ना कुणाचा ". या गीताच्या ओळी, कुंडलीतील ग्रहस्थिती, व त्यावरून केलेले ज्योतिष शास्त्राचे अंदाजा बाबत शाश्वत ठरतात.
प्रेमप्रकरण व त्यातील यश- अपयश हा जीवन प्रवाह बदलवणारा, जीवनास कलाटणी देणारा, एक प्रभावी योग होय.
जातकाचा जन्म तपशील जर खरा असेल तर, कुंडलीच्या माध्यमातून, त्याच्या जीवनात प्रेम प्रकरणाचे योग आहेत कां ? त्यात त्याला यश मिळेल कां ? कां अपयश मिळेल? प्रेम विवाह होईल कां ?,तो सजातीय, विजातीय, विधर्मी असेल कां ? वैवाहिक सुख कसे असेल? अशा सर्व प्रश्नांची उकल होऊ शकते.
बरेचदा कुंडलीतील योगा प्रमाणे प्रेमप्रकरण घडते परंतु, त्यात यश येत नाही. त्यामुळे मनुष्याचा अपेक्षाभंग होतो. काही जातक प्रेमभंगाच्या धक्क्यातून सावरतात तर, काही जातक प्रेमभंगाच्या दुःखातून सावरत नाहीत. मानसिकदृष्ट्या खचल्याने, त्यांचे जीवन निरस बनते. तर कधी कधी विवाह वा विवाहसुख याबद्दल अनास्था निर्माण होते. प्रेमभंगाचे दुःख कसे असते, हे आपण या प्रातिनिधिक 3 कुंडल्यातून पाहणार आहोत.
⚛️ जातिका क्रमांक 1- जन्मतारीख- 2 जुलै, 1968 . जन्मवेळ 22: 30, जन्मस्थळ- नागपुर.

🔼 परंतु त्यासोबतच हे प्रेमप्रकरण अपयशी ठरणार असेहि संकेत कुंडलीत आहेत 🔼 सप्तमेश रवि, मंगळासह पंचमात असून, तो शनीच्या दृष्टीत असल्याने, विवाहात वा प्रेमप्रकरणात अडथळे येणार. 🔼 कुंडलित कुठेहि रवि, बुध, शुक्र ही त्रयी असेल तर, हा विरहयोग असल्याने, प्रेमभंगास कारणीभूत ठरतो. 🔼 शुक्रावर शनीची दृष्टी असणे, हेहि वैवाहिक सुखास विरोध करणारे ठरते. 🔼 सप्तमस्थान व सप्तमेशाशी, शनी बुधाचा संबंध असू नये. त्यामुळे, विवाहात वा प्रेमप्रकरणात फसवणूक होते. 🔼 कन्येचा चंद्र विवाहसुखाच्या दृष्टीने तितकासा शुभ मानत नाहीत. त्यातून तो अष्टमस्थानी, प्रजापतीचे युतीत व राहू व मंगळाचे दृष्टीत आहे. त्यामुळे या जातिकेस मानसिक सुख मिळणार नाही, असे संकेत प्राप्त होतात.
⚛️ मूळ पत्रिकेत जेव्हा बुध मंगळाची युती असते तेव्हा, ती जातकास अतिशय हट्टी, कुठल्याहि परिस्थितीत आपले इप्सीत पूर्ण करण्याची पराकाष्टा करणारी असते. अशा जातकांना अपयश मुळीच सहन होत नाही. सहिष्णुता ही फारच कमी असते. त्यातून चंद्रहि दूषित असल्याने, मानसिक व्याधी निर्माण झाल्यात. व पुन्हा विवाह या विषयात अनास्था निर्माण झाली.
म्हणजे सर्व दृष्टीने सप्तमस्थान निर्बल झालेले आहे.◾️ प्रेमप्रकरणाच्या दृष्टीने पंचमस्थानाचा विचार केला असता, शुक्राने 4 हे सामान्य गुण, पराक्रमेश मंगळाने तर फक्त 2 गुण दिलेले आहेत. त्यामुळेहि प्रेमप्रकरण अपयशी झाल्याचे दिसते.
⚛️ कुंडली क्र.2- जातक जन्मतारीख - 22 मे 1995, जन्मवेळ -09:45, जन्मस्थळ- अकोला
🔼 हे प्रेमप्रकरणाचे योग असले तरी, प्रेमप्रकरणात अपयश देणाऱ्या काही बाबी कुंडलीत दिसतातच. 🔼 चंद्र मनाचा कारक असल्याने, तो शनी युतीत असणे, मानसिक नैराश्य देणारा योग आहे. 🔼 हा युती योग अष्टमस्थानी असल्याने , त्याचे कडून शुभफळाची अपेक्षा करता येत नाही. 🔼 लग्न कुंडली व नवमांश कुंडली या दोन्हीत, पाप ग्रहांचे अधिष्ठान आहे. 🔼 सप्तमातील नेपच्यून वर्गोत्तम, वक्री अवस्थेत असल्याने, विवाहाचे बाबतीत गोंधळ करणारा तसेच, मूळ कुंडलीतील प्रजापती, आकस्मिक अडचणी आणणारा आहे. 🔼 शुक्र राहुयुक्त असल्याने दूषित समजला जातो. 🔼 मूळ कुंडलीत पंचमेश मंगळ व सप्तमेश शनी, हे परस्पर कट्टर शत्रू असल्याने ते प्रेमप्रकरणास कारण असले तरी, संघर्षमय स्थिती निर्माण करणारे आहेत.🔼 पंचमात गुरु असता, आयोजितच विवाह होतो. व सर्व संमतीविना, आयोजित विवाह शक्य नसतो. हे गुरु महाराज मूळ कुंडलित, वृश्चिक राशीत असले तरी, नवांश कुंडलीत ते स्वराशीत असल्याने, त्यांचे बल वाढलेले आहे.
🔼 जातकाचे प्रेमप्रकरण असले तरी, स्थिरस्थावर होण्याच्या दृष्टीने, जातकांची लग्नासाठी दोन वर्षे थांबायची मनीषा होती. परंतु जोडीदाराचा मात्र त्यास नकार होता. त्यामुळे, ते प्रेमप्रकरण असले तरी, त्याची परिणती विवाह न झाल्यामुळे ते अपयशी ठरले. प्रेमप्रकरणातील अपयशास, हे जरी कारण असले तरी, वरील ग्रह योगामुळे, येन-केन प्रकारेण, प्रेमप्रकरणात यश येणारच नव्हते. हे ग्रह स्थितीने अगोदर सुचित केलेले होते.
⚛️आज मितिस, जातकाचे वय 27 वर्ष 7 महिने असल्याने, व सप्तमेश शनी असल्याने, ज्योतिष शास्त्रीय दृष्ट्या विवाहास वेळ लागणारच. हे प्रेमप्रकरण अयशस्वी झाल्याने, हा प्रथम प्रस्ताव समजून त्यात अपयश आले. म्हणजे पुढे, जातकास वैवाहिक सुखात अडचणी येणार नाही, असे म्हणावयास हरकत नसावी.
कुंडली क्र. 3 – जातिका जन्मतारीख - 27 नोव्हेंबर 1984, जन्म वेळ -08:35 जन्मस्थळ- अकोला.
💢 थोडक्यात,, जसे जीवनात काही सुखद योग असतात तसेच, दुःखद योगहि असतात. ग्रहगोचर, व दशादि निर्धारित वेळे नुसार, ते आपल्या जीवनात, त्यांचा प्रभाव दाखवतात. सर्व घटनांची सूत्रे ग्रहस्थितीच्या हातात असल्यामुळे, मानवी जीवन, प्रारब्धात असलेल्या ग्रहस्थितीच्या हातात असते. व त्यांच्या निर्देशानुसार, आपले जीवनक्रमण असते. म्हणूनच, प्रसिद्ध गीताच्या या ओळी आपल्या अंतर्मनात घुमत राहतात, “पराधीन आहे जगती पुत्र मानवाचा, दोष ना कुणाचा.”
= हा लेख "भविष्य दर्पण मासिक फेब्रुवारी 2023 मध्ये प्रकाशित झाला आहे.
Comments
Post a Comment