ओळख प्रथम भावाची

 

5️⃣5️⃣

💢 ओळख प्रथम भावाची 💢

मी असे, प्रथम भाव, 

"लग्नभाव" हे,  टोपण नाव, 

बिरुद माझे,  त्रित्रिकोण, 

सर्व भावे मज , अग्रमान  !! 1 !!

माझा स्वामी, दर्शवी राशीं, 

कुठल्या भावी ?, करा चौकशी, 

कुठल्या राशीत ? , कोणत्या अंशी ? , 

कुणाची दृष्टी ? , युति कुणाशी ?  !! 2 !!

माझे अंगी, असती कोण ?, 

बघा तयांना,  त्यांचे गुण, 

फल मी देई, शुभ की न्यून? , 

सर्वस्वी त्यावर, अवलंबून. !! 3 !!

चारित्य्र, ठसा, व्यक्तित्व, प्रभाव, 

हाच माझा,  स्थायी भाव, 

देहमूर्ती व,  आरोग्यवृत्ती, 

दर्शविणारा मी, अधिपती !! 4 !!

 तनु, लग्न, स्व, मम,  बरीच नांवे, 

 आळविती सकल मज, मनोभावे, 

  लग्नस्वामी मग,  कुणीही असता , 

  होई सदैव,  शुभफलदाता !! 5 !!