ओळख व्यय भावाची

 

6️⃣6️⃣

©️💢 ओळख व्ययभावाची  💢

मी आहे, व्ययस्थान,
शुभ- अशुभ,  गुणांची खाण,
देई दंड, सजा, बदनामी,
असेल जरी,  अशुभ मी  !! 1 !!

दुरलौकिक वा,  बंदीवास,
लावी कलंक, चरित्रास,
वेळ,पत -पैसा, दवडी सारा,
या सकलांचे, वाजवी " बारा "  !! 2 !!

वाम नयन तें,  पाऊले  दोन्ही,
क्षेम कुशलाचा, मीच धनी,
मोक्ष त्रिकोणी, मज बहुमान,
तीर्थयात्रादि , देशाटन   !! 3 !! 

परोपकाराचा, भाव जागवि,
व्ययभावाची, हीच थोरवी,
शुभत्व असता, जनकल्याणा,
मोक्षसाधनी,  मिळे प्रेरणा   !! 4 !!

शुभ ग्रह देती, कीर्ती सदा,
पापा पोटी, नुसत्या आपदा,
मजठायी शुक्र, असेल जरी ,
ऐहिक सुखे मग , नानापरी   !! 5 !!

द्वादश भावाची, ऐसी महती,
कथियेली मी, अल्पमती, !
नोहे समग्र, हा केवल सार,
पद्य रूपे मी , केला सादर,   !! 6 !!

अनावधाने, असतील त्रुटी,
जाणिवे या,  होतो कष्टी !
नावीन्याचे, आले भरते,
करण्या रचना, " पुंडलिक दाते "  !! 7 !!