कारावास योग -उत्तरार्ध
▪️ " कारावास योग " म्हणजे, तुरुंगात जाणे, हा सरळ -सरळ अर्थ असला, तरी त्यासाठी गुन्हेगारी प्रवृत्ती, वा अजाणते पणी गुन्हा होणे, किंवा गुन्ह्यात अडकणे, वा कुणीतरी अडकवणे, अशी सबळ कारणे असावी लागतात.
त्यामुळे, तशा प्रकारचे योग कुंडलीत आहेत की काय ? याचा पडताळा घेणे जरुरी असते.
▪️ तसे काही कुंडलीतून न आढळल्यास, जर काही ग्रह, " कारावास योग " सांगत असतील, तर मात्र तो योग , आरोग्य विषयक काही समस्या निर्माण होऊन, हॉस्पिटलमध्ये भरती होण्याची, पाळी आणू शकतो.
▪️ याबद्दल आपण मागील अंकात सविस्तर विवेचन केले आहेच .
▪️ एकूण लोकसंख्येचा विचार केला असता, आपल्या सामाजिक परिस्थिती नुसार, असे गुन्हेगारी प्रवृत्तीचे जातक, अल्पप्रमाणात असतात , त्यांच्या तुलनेने, हॉस्पिटलमध्ये भरती होणाऱ्या व्यक्तींचे प्रमाण, मात्र अधिक असते. ही कारावास योगाची दुसरी बाजू होय.
▪️ इथे, अजून हे स्पष्ट करणे आवश्यक आहे की, गुन्ह्यासंबंधी जातकाला चौकशी संबंधी, संशयित म्हणून, पोलिस स्टेशनला बोलावले गेले, समाजा तील लोक आपल्याकडे शंकेने पाहू लागले, अपराधीपणाचे भाव, आपल्या चेहऱ्यावर उमटले, तरी तो " कारावास योग " झाला, असे म्हणावे लागेल.
▪️ माझ्या मते, हे कारावास योगाचे, सौम्य स्वरूप आहे.
▪️ तसेच कुठलीहि घटना, तिला काही कार्यकारण भाव असल्याशिवाय, घडत नाही. हा कार्यकारण भाव निर्माण होण्यासाठी, कुंडलीतील इतर ग्रह स्थिती, या योगास मदत करत असते.
▪️ म्हणून कुंडली पाहताना, केवळ, एका ग्रहस्थितीचा विचार करून भागत नाही. सर्व ग्रह योगांच्या फलिताच्या, उभ्या- आडव्या धाग्यांनी, कुंडलीचे वस्त्र, विणलेले असते.
▪️ कुंडलीत व्ययेश व कष्टेश यांचा अन्योन्यसंबंध असेल, दृष्टी योग वा युति योग असेल, तर तो बदनामी केल्या शिवाय राहात नाही. त्यामुळे व्यक्तीची पत लयाला जाते. नावलौकिकास कलंक लागतो.
▪️ व्यय भावाचा स्वामी, ज्या स्थानात असेल, व ज्या ग्रहासोबत असेल, वा ▪️ ज्या भावाचा स्वामी, व्यय भावात असेल, त्या त्या भावाच्या कारकत्वा नुसार, वा त्या ग्रहाच्या कारकत्वाच्या अनुषन्गाने अशी अशुभ फले निर्माण होऊ शकतात.
▪️ शनि- मंगळ, वा रवि- शनी, युती -दृष्टी योग, विशेषत अंशात्मक व क्रूर नक्षत्रात असल्यास, अशा प्रकारची फळे मिळू शकतात.
▪️ या संदर्भात, उदाहरणादाखल, गुन्हेगारी पार्श्वभूमीतून, कारावास योग निर्माण होणाऱ्या, तसेच आरोग्य विषयक समस्या असल्यामुळे, हॉस्पिटलमध्ये, काही काळ घालवलेल्या, जातकाच्या कुंडल्या पाहणार आहोत.
कुंडली क्र. 2 -
▪️ D-27 कुंडलीतहि कष्टेश गुरु, कष्ट स्थानीच असून, मूळ कुंडलीतील व्ययस्थानातील रवि-शनी युती, याहि कुंडलीत, व्ययस्थानात, विद्यमान आहे.
▪️ क्रूर नक्षत्रातील, व दु:स्थानातील, परस्पर शत्रू असणारे, रवी व शनी ग्रह, "अंशात्मक" योगात असल्यामुळे, आरोग्याबाबत, अतिशय क्रूर स्थिती निर्माण होते. हा योग, असाध्य आजार देणारा आहे. ही युती ज्या स्थानात असेल, त्या स्थानाच्या अनुषंगाने, किंवा ग्रहाच्या कारतत्वाच्या अनुषंगाने, किंवा हे ग्रह ज्या ग्रहास पहात असतील, त्याच्या स्थानानुसार, वा कारकत्वानुसार, कर्करोगाची, संभावना असते.
▪️ त्याप्रमाणे, ही जातिका, कॅन्सरग्रस्त झाल्याने, भरपूर हॉस्पिटलायझेशन झाले. कर्करोगासाठी केलेली उपाय योजना, किती वेळखाऊ, खर्चाची, व त्रासदायक असते, हे वेगळे सांगायची गरज नाही. औषध योजना केल्यानंतरहि त्यात अपेक्षित यश न आल्यामुळे, जातिकेस अखेर मृत्यू आला.
कुंडली क्र. 3
▪️ या जातकाचे तुला लग्न 12 अंशावर असून, लग्नी बुध, 5 अंशावर व गुरु, 4 अंशावर आहे ▪️चतुर्थात स्वराशीचा शनी, वक्री, 29 अंशावर असून, 14 अंशावरील राहुच्या युतीत आहे.▪️ सप्त मात मेषेचा वक्री प्रजापती, 7 अंशावर असून, ▪️ अष्टमात वृषभेचा चंद्र 26 अंशावर आहे, ▪️ दशमात कर्केचा, आश्लेषा नक्षत्रातील, 25 अंशावरील मंगळ, केतू व प्लुटोच्या युतीत आहे ▪️ लाभात सिहेचा नेपच्यून 20 अंशावर, तर शुक्र 29 अंशावर आहे. ▪️ व्ययस्थानात रवि 12 अंशावर आहे.
▪️ जातक, समाजात आदर प्राप्त असलेला शेतकरी असून, याच्या शेताच्या कुंपणाजवळून, बैलगाडीची वाट होती. त्या रस्त्यावरून जाणारे पांथस्थ, थोडा विसावा मिळण्याचे दृष्टीने, शेतातील झाडाखाली बसत असत. त्यापैकी कोणीतरी, खोडसाळपणे, कुंपणात, सहज दिसणार नाहीत अशा रीतीने, काहि गांजाची झाडे लावली. येता-जाता, व्यसन पूर्तीचा, आनंद घेता यावा, हा त्यामागील उद्देश असावा.
▪️ शेतमालक या बाबतीत, पूर्णपणे अनभिज्ञ होता.
▪️ परंतु, वर वर्णन केलेल्या, कुंडलीतील ग्रहानुसार, विपदा यायचीच असावी. कारण, या गोष्टीचा सुगावा लागताच, पोलीस कारवाईला, तोंड द्यावे लागले. स्वतःचा कुठलाहि दोष नसताना, यात गोवले गेल्यामुळे, किती मनस्ताप झाला असेल ?, याची कल्पनाच केलेली बरी. ही कुंडली, या घटनेमधून, ग्रह योगाकडे दुर्लक्ष करून चालत नाही, हाच संदेश देते.
कुंडली क्र 4
▪️ या जातकाचे मीन लग्न 6 अंशावर असून ▪️ तृतीयात वृषभेचा चंद्र, 10 अंशावर, ▪️ पंचमात कर्केचा शनीच्या नक्षत्रातील, कन्या नवांशी असलेला मंगळ, 9 अंशावर, व शनीच्या नक्षत्रातील राहु, 11 अंशावर, ▪️ रक्ताचा कारक मंगल कर्क या कँसर चे प्रतिनिधित्व करणाऱ्या नीच राशीत शनी व राहूने दूषित झाला आहे. ▪️ षष्ठात सिंहेचा प्रजापतीहि, 12 अंशावर, कॅन्सरच्या कारक असलेल्या, लाभातील केतूच्या नक्षत्री आहे ▪️ सप्तमात कन्येचा रवी 29 अंशावर,कन्या नवांशीच असून, 13 अंशावरील बुधा सोबत ▪️ अष्टमात तुळे चा नेपच्यून, 16 अंशावर ▪️ नवमात वृश्चिकेचा शुक्र, 3 अंशावर ▪️ लाभात मकरेचा शनी व केतू प्रत्येकी 11 अंशावर ▪️ व्ययस्थानात कुंभेचा वक्री गुरु, राहूच्या नक्षत्री असून 9 अंशावर, स्व नवांशी आहे.▪️ गुरु प्रजापती दृष्टी योग, मधुमेहाचे दुखणे देतो. ▪️ शनी हाडांचा कारक, राहू -मंगळाच्या अंशात्मक दृष्टीत असल्याने, व कष्टातील सिहं राशीं पाठीचे प्रतिनिधित्व करीत असल्याने, पाठीच्या कण्याचे आजार उत्पन्न झाले.
⚛️ लग्नेश व्ययस्थानी असणे, आरोग्याच्या दृष्टीने, चांगले नसते.
⚛️ व्ययेश शनि, केतूच्या अंशात्मक युतीत असून, जल राशीतील नीच मंगळाच्या दृष्टी योगात आहे. यात शनी 11 अंशावर, व मंगळ 9 अंशावर आहे.
⚛️ शनी -मंगळ युति - दृष्टियोग अंशात्मक वा क्रूर नक्षत्री असता, ते ज्या स्थानी असतील, त्या स्थानाच्या कारकत्व संबंधाने, वा यापैकी कोणी, ज्या ग्रहास पहात असेल, त्या ग्रहाच्या स्थानासंबंधी, वा कारकत्वासंबंधी, कर्क रोगाची पीडा संभवते.
💢 असे हे बंधन योगाचे, " कारावास योगाचे ", आगळे - वेगळे स्वरूप सांगता येईल.
विशेष : हा लेख श्री वैदिक व सायंटिफिक ज्योतिष्य संशोधन केंद्र, जळगाव द्वारा संचालित, इ -मासिक ⚛️ " भविष्य दर्पण " ⚛️-दिवाळी अंक 2020 या मासिकात प्रकाशित झाला आहे.
Comments
Post a Comment