ओळख "भविष्य दर्पण "अंकाची

 ओळख " भविष्य दर्पण "  इ मासिक-जानेवारी 2021 या अंकाची.

श्री वैदिक व सायंटिफिक ज्योतिष्य संशोधन केंद्र, जळगाव  या संस्थेच्या विद्यमाने,  प्रकाशित होणारा "भविष्य दर्पण" इ -मासिकाचा  जानेवारी 2021 चा  अंक, नुकताच प्रकाशित झाला. 

💢 या अंकाचे मुख्य वैशिष्टय असे की, या अंकात, अष्टक वर्गावर आधारित, विवाहसंबंधी, तो प्रेमविवाह असेल की आयोजित ?, आयोजित असेल तर,  तो  जातकाच्या स्वेच्छेने, वा, आई वडिलांच्या इच्छेने , वा त्यांच्या इच्छेखातर, असेल कां?  या संबंधी,  92 पत्रिकांचा अभ्यास करून,  त्यातून काही ठोस निदाने,  केंद्र  संचालिका,  ज्योतिष्याचार्या, आ.   डॉ. सौ. ज्योती जोशी, यांनी केली आहेत.

💢 हे निष्कर्ष अभ्यासपूर्ण असल्याने,  त्यांना,  नियमाचे स्वरूप प्राप्त झाले आहे. 

💢 अष्टकवर्गाच्या अभ्यासकांना, ते निश्चितच मार्गदर्शक ठरतील. हा उपक्रम ज्योतिष्य शास्त्राच्या दृष्टीने,  निश्चितच आगळा वेगळा व स्तुत्य आहे. 

💢 या सर्व कुंडल्याचे,  अष्टक वर्गाच्या माध्यमातून, एकत्र संकलित केलेली आकडेवारी,  व त्यावरील निष्कर्ष निश्चितच पारदर्शी आहेत.

💢 अभ्यासू वाचकांसाठी हि मेजवानीच आहे. 

💢 नवोदित अभ्यासकांना,  या बहुसंख्य कुंडल्या, त्यांच्या विवेचनासह मिळणे, हि पर्वणीच ठरेल. यास " घबाड मिळणे "असे संबोधले तरी, वावगे होणार नाही. 

💢 अंकाच्या सुरुवातीच्या लेखात, विषयाची प्रेरणा, त्यांची पार्श्वभूमी, प्रत्येक  निष्कर्ष काढतांना,  कोणती मूळ तत्वे वापरली गेली? याचे सुबोध विवेचन केले आहे. जे, सर्व साधारण ज्योतिष प्रेमी वाचकाच्या,  सहजपणे लक्षात येते.  

💢 थोडक्यात हा अंक केवळ वाचनीय नसून कायम संग्रहणीय आहे. 

💢 विवाह या विषयांचे अनेक अंतरंग, अष्टक वर्गाच्या माध्यमातून,  याच पद्धतीने,  उलगडण्याचा,  त्यांचा मनोदय या अंकात व्यक्त केला गेला आहे. 

💢 त्यांच्या कार्याची सुसूत्रता, नियोजनबद्धता, त्यांना या कार्यात निश्चित यशाच्या शिखरावर पोहोचवेल,  यात शंका नाही. 

💢 पुढील अंक केव्हा येईल? अशी उत्सुकता निर्माण करणारा हा अंक आहे. 

💢 या अंकाची सदस्यता शुल्क, इतर अंकाच्या तुलनेत अगदी नाममात्र आहे, हे विसरता येत नाही. 

💢त्यांच्या या बहुमोल कार्यास अनंत शुभेच्छा. 

= पुंडलिक दाते, अकोला