थोडेसेच -पण महत्वाचे

🎯 थोडेसेच -पण महत्वाचे 

💢  गुरु चन्द्र युति, दृष्टियोग, वा नवपंचम योग ( गुरुची चंद्रावर दृष्टी या अर्थाने ) हा " विरह  योग "आहे. 

💢 हे विधान,  जेव्हा माझ्या वाचनात आले, तेव्हा,  हे दोन्ही शुभ ग्रह असल्याने,   असे कसे शक्य आहे.?,  ही  शंका मनात आली. 

💢 त्यानंतर,  मी  अनेक कुंडल्या पहिल्या. त्यात,  या योगाचा अंतर्भाव असता, वरील विधानात,  बरेच तथ्य असल्याचे,  लक्षात आले. 

💢 फक्त या योगाचे स्वरूप,  नीट समजण्यासाठी,  थोडा काळ  द्यावा लागला. 

💢 अनुभवांती, जे अनुभव आले, ते, सर्वांच्या माहितीसाठी नमूद करीत आहे. 

💢 अभ्यासकांनी, त्यांच्या जवळील कुंडली संग्रहातून, याचा जरूर पडताळा घ्यावा. असे आग्रहाचे सांगणे आहे.

▪️कुंडलीत प्रेमप्रकरणाचे  योग असून, हा योग असता, ते बारगळण्याची शक्यता असते.

▪️साखरपुडा होवो अथवा न होवो, एकमेकांची पसंती जाहीर झाल्यावर, प्रस्ताव मोडीत निघू शकतो.

▪️लग्न यंदा ठरल्यानंतर, ते काही कारणास्तव, पुढच्या वर्ष पर्यंत रेंगाळू शकते.

▪️विवाहोपरांत  जोडीदार परदेशी गेल्यामुळे, काही काल विरह होऊ शकतो. 

▪️नोकरीनिमित्त, गैरसोयीच्या स्थानी बदली झाल्यानंतर, कुटुंब, काही काळ , विस्कळीत होऊ शकते.

▪️या योगामुळे, पती -पत्नी एकत्र राहत असूनहि, मुले बाळे झाल्यानंतर, पती निरिच्छ झाल्याचेहि उदाहरण आहे.

 

▪️विवाहेच्छू उमेदवाराच्या पत्रिकेत,  हा योग दिसत असल्यास, या पूर्वी कुठे जुळले /तुटले होते काय?,  याचा मागोवा घेणे इष्ट ठरते.

तसें झाले असल्यास,  विरह योग फलीभूत झाला, असा अंदाज करता येईल.

▪️तात्विक मतभेदामुळे, विवाहानंतर पटले नाही, असेही संभवते.

▪️हा योग जर अंशात्मक असेल तर, प्रभावी परिणाम मिळू शकतात.

▪️या संदर्भात, कुंडलीतून,  इतर ग्रहांचेही कुयोग होत असतील तर, या योगामुळे त्यास खतपाणी मिळते.

▪️प्रभू रामचंद्रांच्या लग्नस्थानी असलेला हा योग, बरेच काही सांगून जातो.

▪️या योगाच्या फळांची व्याप्ती कुठल्या सीमेपर्यन्त आहे. हे कळण्यासाठी हा लेखनप्रपंच आहे.

▪️केवळ शुभग्रह आहेत, म्हणून हा  योग,  नजरअंदाज करू नये,  हे निक्षून नमूद करावेसे वाटते.